Liber Paralipomenon Primus*
Caput 27: Versus 25
Super thesauros,etc.[ID.]Thesaurus Christi scientia, sapientia virtutis, ex his honorat servientes sibi. His praeficitur Azmoth, qui interpretatur fortis morte, doctrina enim viri per patientiam dignoscitur; unde:Melior est patiens viro forti[Prov. 16.]. Azmoth etiam filius Adiel, qui interpretatur pater meus Deus. Quidquid enim sancti virtutum habent, Deo attribuunt.His autem thesauris.Ille enim veri Salomonis thesauris in urbibus, vicis, et turribus merito praefertur, qui dignitatem nominis Jonathae, et patris ejus Oziae fide praefert et opere. Jonathas enim domum Dei, et Ozias fortitudo Domini. Qui enim dono Dei accipit lumen scientiae, et rectitudinem fidei fortiter servat in opere, ecclesiarum Dei curam non immerito accipit.